* Atal honetan azaltzen den prosezuaren lehen fasea dagoeneko bukatuta dago. Momentu honetan prosezua fase aurreratuago batean dago. Euskal Herriaren egoeraren nazio eztabaida:
Eztabaidaren helburuak, metodoa eta epeak
Euskal Herriaren Egoeraren Nazio Eztabaidaren helburuak.
Euskal
Herriaren egoeraren nazio eztabaidaren helburua, Euskal Herriak nazio gisa
bizirik irauteko ezinbestekoak diren soluzio bideak zeintzuk diren adostu, eta
haiek gauzatzeko, premiazko neurriak finkatzeko abiapuntua ezartzea da.
Honela, gatazkan dagoen
herriaren erradiografia egin, eta hortik abiatuz, herri eraikuntzan ari diren
eragile guztien arteko bat egitea antolatu eta premiazko neurri eta proiektuen
inguruan konpromiso kolektiboak lortu nahi dira.
Beste modu batera
esanda, gaur egun Euskal Herriak bizi duen egoera aztertu ondoren, Euskal
Herriaren eraikuntza eta berreraikuntzan aurrera egiteko aldi berri bat
zabaltzea proposatzen dugu. Nork bere esparruan egiten duen lanarekin batera,
gure herriaren etorkizunari buruzko konponbide eta egitasmoen inguruan elkarlana
nagusitu dadin.
Lehen urratsa beraz,
Euskal Herriaren diagnostiko integrala egitea izango da. Alegia, Euskal Herria
herri egiten duten zutabeen diagnostikoa oinarri hartuta, gure herriaren
biziraupena eta garapena bermatzeko, lehentasunak edo premiazko neurriak
identifikatuko ditugu. Arloz arlo eta baita gatazka politikoaren konponbideari
begira ere, noski.
Eta horretarako, Euskal
Herriaren egoeraren konklusioak bildu eta aurrera begirako urrats eta
konpromisoak zehazteko ardatza, proposatzen dugun eztabaidaren grabitate
zentroa, nazioarteko antolamendu juridikoak onartutako eskubide-itunetan, hots,
herri eta herritarren eskubideetan kokatzen dugu.
Aurrekoa: Sar hitza
Hurrengoa: Metodologiari buruzko zehaztapenak
|
Konponbidea